ዘዕግብ ሕክምናን ሓልዮትን ኪግበረልኩም መሰል ኣሎኩም። ብውሑዱ እዚ ማለት: ክትሓሙ ወይ ጥዕና ክትስእኑ ከለኹም: ሕክምና ክትሓቱ ኪጽግመኩም የብሉን ማለት’ዩ።

ኢቮ (IVO): ቤ/ጽ ማሕበራዊ ኣገልግሎትን ኣገልግሎት ሕክምናን ንዘለዉ ሕግታትን መምርሕታትን ተኸቲሎም ከም ዚሰርሑ ይገብር። እቶም ትረኽብዎም ሰብ መዚ ዘይሰምዑኹም እንተ ኾይኖም: ወይ መሰላትኩም ዘየኽብሩ እንተ ኾይኖም: ነዚ ዚስዕብ ንምግባር ምስ መስመር ቈልዑን መንእሰያት ኢቮ (IVO: barn- och ungdomslinje) ርክብ ግበሩ:-

• ብዛዕባ መሰላትኩም ክትሓቱ
• ብዛዕባ’ቲ ኣብ ክፍሊ ሕክምና ይዅን ኣብ ቤ/ጽ ማሕበራዊ ኣገልግሎት ብግቡእ ዘይሰርሕ ነገር ክትሕብሩ።

እዚ ብናጻ ዚግበር’ዩ፤ ስምካ ምጥቃስ ከኣ ግድን ኣየድልይን። ኣስተርጓሚ ዘድልየኩም እንተኾይኑ ሓብሩ’ሞ ክንእዝዘልኩም ኢና።

ድሃይ ካብ ምግባር ኣይትወላወሉ። ምእንታኹም ኢና ኣብዚ ዘለና!